Оқушыларға арналған тәрбиелік шара аясында интернеттегі қауіпсіздік, жол қозғалысы ережелері және алаяқтықтың алдын алу тақырыптарында бейнероликтер көрсетілді.
Шара барысында оқушыларға ғаламторды қауіпсіз пайдалану, жеке мәліметтерді қорғау, күмәнді сілтемелер мен жалған хабарламалардан сақ болу жолдары түсіндірілді. Сонымен қатар жол қозғалысы ережелерін сақтау, жаяу жүргіншілер мәдениеті мен қоғамдық қауіпсіздік мәселелері кеңінен айтылды.
Бейнероликтер арқылы қазіргі таңда жиі кездесетін интернет-алаяқтық түрлері таныстырылып, олардың құрбаны болмаудың жолдары көрсетілді. Оқушылар белсенді қатысып, өз ойларымен бөлісті.
Мұндай ақпараттық шаралар жасөспірімдердің қауіпсіздік мәдениетін қалыптастырып, жауапкершілігін арттыруға ықпал етеді.
