Узынкөл аудандық полиция бөлімінің бастығы, полиция полковнигі Ахметов Т.Б. мектеп оқушылары мен мұғалімдеріне арнап мазмұнды кездесу өткізді. Кездесу барысында қазіргі қоғам үшін маңызды, жастарға тікелей қатысты бірнеше өзекті тақырып қамтылды.
Дәрісте қозғалған негізгі бағыттар мынадай болды:
– Жасөспірімдер арасындағы құқықбұзушылықтың алдын алу. Бұл бөлімде оқушыларға заң алдындағы жауапкершілік, құқық пен міндет ұғымдары түсіндірілді, сондай-ақ құқықбұзушылықтың салдары нақты мысалдар арқылы жеткізілді.
– Интернет қауіпсіздігі және киберқылмыс. Оқушыларға әлеуметтік желілерді дұрыс пайдалану, алаяқтықтан сақтану, жеке деректерді қорғау жолдары айтылды.
– Буллинг пен кибербуллингтің алдын алу. Мектептегі және онлайн ортадағы қысым көрсету мәселелері көтеріліп, оның психологиялық және құқықтық салдары түсіндірілді.
– Есірткі мен психотроптық заттардың зияны. Жастар арасында кең таралу қаупі бар бұл мәселе бойынша түсіндіру жұмыстары жүргізіліп, денсаулыққа және болашаққа тигізетін әсері айтылды.
– Жол қозғалысы қауіпсіздігі. Оқушыларға жаяу жүргінші ретінде және көлік ішінде өзін ұстау ережелері еске салынды.
– Төтенше жағдайлар кезіндегі қауіпсіздік шаралары. Қауіптің алдын алу және дұрыс әрекет ету дағдылары түсіндірілді.
Кездесу барысында оқушылар өздерін қызықтырған сұрақтарын қойып, нақты жауаптар алды. Мұндай шаралар жастардың құқықтық сауаттылығын арттырып қана қоймай, олардың қауіпсіз әрі саналы азамат болып қалыптасуына ықпал етеді.
